Rhoi gwybod am bryderon ynghylch oedolyn
Beth gallaf ei wneud os byddaf yn poeni am oedolyn (unrhyw un dros 18 oed)?
Rhowch wybod i rywun a all helpu.
Mae gan aelodau o'r cyhoedd rôl bwysig i'w chwarae wrth helpu i amddiffyn oedolion sy'n agored i niwed neu oedolion sy'n wynebu risg o niwed.
Os byddwch yn credu bod oedolyn yn dioddef cam-drin neu drais, neu os bydd rhywun yn dweud wrthych ei fod yn cael ei niweidio neu ei gam-drin, dywedwch wrth:
- Y Gwasanaethau Cymdeithasol ar y rhifau isod:
- Yr Heddlu ar 101
- Action on Elder Abuse Cymru ar 080 8808 8141 neu
- un o'r sefydliadau isod.
Gall yr asiantaethau hyn helpu.
MEWN ARGYFWNG DYLECH FFONIO 999 BOB AMSER
Ni ddylech geisio datrys y broblem eich hun, na chyhuddo camdriniwr honedig.
Peidiwch â phoeni y gallwch fod wedi gwneud camsyniad. Mae'n well dweud wrth rywun sy'n gwybod am amddiffyn oedolion sy'n agored i niwed na dweud dim byd.
Beth os bydd oedolyn yn dweud wrthyf ei fod yn cael ei gam-drin?
- Dangoswch eich bod yn gwrando a'ch bod yn cymryd y mater o ddifrif.
- Ysgrifennwch yr hyn rydych yn ei glywed gan ddefnyddio'r union eiriau lle bo'n bosibl.
- Esboniwch y bydd angen i chi rannu'r hyn rydych wedi ei glywed â rhywun sy'n gwybod am amddiffyn oedolion sy'n agored i niwed.
- Ffoniwch y Gwasanaethau Cymdeithasol neu'r Heddlu a rhowch wybod iddynt beth rydych chi'n ei wybod.
Beth y dylwn i ei wneud os byddaf yn poeni am ymddygiad rhywun tuag at oedolyn sy'n agored i niwed?
- Peidiwch â diystyru eich pryderon na'i adael i rywun arall i weithredu.
- Ffoniwch y Gwasanaethau Cymdeithasol neu'r Heddlu a rhowch wybod iddynt beth sy'n eich pryderu.
- Â phwy y dylwn i gysylltu?
Os bydd gennych unrhyw amheuon am rannu pryderon neu roi gwybod amdanynt, peidiwch â meddwl beth os ydw i'n anghywir - meddyliwch beth os ydw i'n iawn!
FFURFLEN ATGYFEIRIO AML-ASIANTAETH
Gweler y ffurflen isod a gwybodaeth ategol ar sut i lenwi'r ffurflen.
CWMPAS Ffurflen Atgyfeirio Aml-Asiantaeth
Os byddwch yn pryderu am ddiogelwch neu les oedolyn sy'n agored i niwed, cysylltwch â:
Sir Gaerfyrddin
Ar-lein:
Rhowch wybod am bryder neu dewch o hyd i wybodaeth am ddiogelu
Ffôn:
Delta Wellbeing (ar gael 24 awr y dydd, 7 diwrnod yr wythnos)
Ffôn: 0300 333 2222
Yn ystod oriau swyddfa
Tîm Diogelu Oedolion
Ffôn: 01267 228991
Ceredigion
Ar-lein:
Gwybodaeth a manylion cyswllt diogelu Cyngor Sir Ceredigion
Yn ystod oriau swyddfa - Cysylltwch â'r Gwasanaethau Cymdeithasol
Ffôn: 01545 574000
E-bost: contactsocservs@ceredigion.gov.uk
Y tu allan i oriau swyddfa (Argyfyngau'r Gwasanaethau Cymdeithasol) - Tîm Dyletswydd Brys
Ffôn: 0300 456 3554
Sir Benfro
Ar-lein:
Gwybodaeth am Ddiogelu Oedolion
Yn ystod oriau swyddfa
Tîm Diogelu Oedolion
Ffôn: 01437 776056
E-bost: adult.protection.team@pembrokeshire.gov.uk
Y tu allan i oriau swyddfa
Tîm Dyletswydd Brys y Gwasanaethau Cymdeithasol (Galw Gofal)
Ffôn: 0300 123 5519
Powys
Ar-lein:
Rhowch wybod am bryder diogelu neu dewch o hyd i wybodaeth am ddiogelu
Ffôn: ASSIST
Ffôn: 0345 602 7050
E-bost: assist@powys.gov.uk
Ar gyfer gweithwyr proffesiynol
Ffurflen Atgyfeirio Amlasiantaethol Oedolyn sydd mewn Perygl (MARF)
Action on Elder Abuse
Mae Action on Elder Abuse (AEA) Cymru yn elusen arbenigol sy'n ymrwymedig i atal achosion o gam-drin
yn erbyn pobl hŷn. Fel yr unig elusen yng Nghymru i ganolbwyntio ar achosion o gam-drin pobl hŷn yn unig, mae'r arbenigedd a'r profiad gennym i roi cymorth i ddioddefwyr, eu teuluoedd a'u gofalwyr.
Rhif y Llinell Gymorth: 080 8808 8141 Gwefan: http://elderabuse.org.uk/cymru/
The Silver Line
Mae The Silver Line yn llinell gymorth 24 awr am ddim a sefydlwyd gan Esther Rantzen ac sy'n rhoi gwybodaeth, cyfeillgarwch a chyngor i bobl hŷn. Ar agor bob dydd o'r flwyddyn.
Rhif Ffôn: 0800 4 70 80 90
Y Samariaid
Siaradwch â'r Samariaid pryd bynnag y mynnwch, yn eich ffordd eich hun, heb iddo gael ei gofnodi - am beth bynnag sy'n eich poeni. Does dim rhaid i chi fod yn hunanladdol.
Rhif Ffôn: 116 123 E-bost: jo@samaritans.org Gwefan: http://www.samaritans.org/